Mugison ætlar að enda eina metnaðarfyllstu tónleikaferð seinni ára í Hörpu 1. desember.

Hann hefur spilað á rúmum 60 stöðum vítt og breitt um landið í sumar og haust, á kaffihúsum, í félagsheimilum, hlöðum, söfnum, brugghúsi, skólum, steypustöð, kirkjum, hótelum, íþróttahúsum, beitningarskúr og smurstöð. Tónleikarnir í Hörpu verða nokkurskonar “best of” frá þessum geggjaða túr þar sem hann spilar einn á kassagítarinn, með hljómsveit og nokkrum hljóðfæraleikurum sem stigu á svið með honum á tímabilinu, sannkölluð uppskeruhátíð. “Ég finn ekki nógu sterk lýsingarorð til þess að segja hversu spenntur ég er fyrir þessum tónleikum” segir Mugison fullur tilhlökkunar. Þessu má enginn missa af

miðar fara í sölu á tix.is og harpa.is fimmtudaginn 14. september